బతుకమ్మంటే ఏందమ్మా?

సా పా సా - బతుకమ్మ పాట 2018

బతుకమ్మ పాట లో భాగం
Listen to the Bathukamma Song Here!

ఏంటీ పాట?

బతుకమ్మ సంబురాల సందర్భంగా ఒక పాట కుర్చాము. బతుకమ్మ అంటే ఏంటి? అంటే మా సమాధానం ఈ పాట!

కథ ఏంటి?

బతుకమ్మ పండుగకి సంబంధించిన కొన్ని కథల్లో ఒకటి - ఒక అన్నా చెల్లెళ్ళ కథ. వారు ఎంతో అన్యోన్యంగా ఉండేవారు - చెల్లికి పెళ్లి చేసి పంపిస్తాడు అన్న - కానీ ఆమె ఇంట్లోంచి వెళ్ళిపోయిన తరువాత కూడా ఆమెను ప్రేమగా గుర్తు చేసుకుంటూ ఉండేవాడు - ఇది అతని భార్య కి అస్సలు నచ్చలేదు - ఎప్పుడు చూసినా ఆడపడుచు గురించి మాట్లాడుతూ ఉంటాడు అని కుళ్ళుకునేది - ఆ కుళ్ళు ఎంత పెరిగిపోయిందంటే, ఒకసారి ఆ చెల్లి ఇంటికి వస్తుంది - అప్పుడు భర్త లేని సమయం చూసి ఆడపడుచు ని చంపేస్తుంది ఈ వదిన - చంపి పెరట్లో పాతేస్తుంది.

కథ ఎలా కదిలించింది?

ఇది కథ కంటే కూడా యదార్థం అనిపిస్తుంది. ఎందుకు ఆడది ఆడదానికి శత్రువు? ఎందుకు ఒక స్త్రీ కి ఇంకో స్త్రీ అంటే అంత వైషమ్యం? ఇది తరతరాల 'డివైడ్ అండ్ రూల్' వల్ల వచ్చిందా లేదా స్త్రీల తత్వమే అంతా?

స్త్రీ లోని ఆ కోణం

తన ఇంటిని మాత్రమే శుభ్రంగా ఉంచుకొని బయటంతా చెత్త ఎందుకు వేస్తుంది? తాను స్వయంగా మాతృమూర్తి అయి ఉంది తన పిల్లలకి వేరే పిల్లలకి అంత భేదభావం ఎలా చూపగలుగుతుంది? తనకంటే కొంచం మెరుగ్గా ఉన్న స్త్రీ ని చూసి ఎందుకు న్యూనత చెందుతుంది? తన కూతురి వయసుదైనా కోడలిని ఎందుకు ద్వేషిస్తుంది?

కుటుంబ వ్యవస్థ లో, సమాజం లో స్త్రీల కి ఒకరి పట్ల ఒకరికి సానుభూతి లేని పరిస్థితి కి కారణం ఏంటి? ఇలాంటి ప్రశ్నలు వాటి వల్ల వచ్చిన ఆలోచనల రూపమే ఈ పాట.

నిజమైన పండుగ

బహుశా ఆడవారంతా కలిసి మెలిసి ఉండాలని పెట్టిన సంప్రదాయమేమో ఈ ఆటలు పాటలు అన్ని - అది explore చేస్తూనే ఈ పాట - బతుకమ్మ పండుగ వెనుక ఉన్న నిజమైన అర్ధాన్ని ఆకళింపు చేసుకుంటూ!

ఆడవారి మధ్య స్నేహ సంబంధాలు ఉండాలి, ఒకరికి ఒకరై ఆడవారు తమకు ఎదురయ్యే కష్టాలని అధిగమించాలి - ఏ స్త్రీదైనా దాదాపు అవ్వే కష్టాలు - మరి ఎందుకు చిన్న చూపు? ఎందుకు కుళ్ళు కక్ష, వైషమ్యం?